ASSEB Class X Social Science History Chapter 4 Dates

অধ্যায়টোত উল্লেখ থকা সকলো বছৰ আৰু ইয়াৰ সৈতে জৰিত ঘটনাসমূহ তলৰ তালিকাখনত কালক্ৰমিকভাৱে আগবঢ়োৱা হ’ল:

বছৰ	ঘটনা
১৮২৫	প্ৰথম ইংগ-ব্ৰহ্মী যুদ্ধৰ অসম-পৰ্বৰ সূচনা আৰু সমাপ্তি ঘটে।
১৮২৬	২৪ ফেব্ৰুৱাৰীত য়াণ্ডাবু সন্ধি মতে অসম ব্ৰহ্মদেশৰ ৰজাৰ হাতৰপৰা ইংৰাজৰ অধীন হয় আৰু ইষ্ট ইণ্ডিয়া কোম্পানীৰ শাসন আৰম্ভ হয়।
১৮৩৬	অসমৰ বিদ্যালয়, কাৰ্যালয় আৰু আদালতত বাংলা ভাষা প্ৰচলনৰ চৰকাৰী সিদ্ধান্ত লোৱা হয়।
১৮৫৭	আনন্দৰাম ঢেকীয়াল ফুকন আৰু গুণাভিৰাম বৰুৱাৰ উদ্যোগত 'জ্ঞান প্ৰদায়িনী সভা'ৰ প্ৰতিষ্ঠা হয়।
১৮৫৮	ইংলেণ্ডৰ ৰাণীৰ ঘোষণা অনুযায়ী ভাৰতৰ শাসন ব্ৰিটিছ ৰাজমুকুটৰ অধীন হয়।
১৮৬১-১৮৯৩	অসমত চৰকাৰে ভূমি ৰাজহ বৃদ্ধি কৰে।
১৮৭২	দেৱীচৰণ বৰুৱা আৰু গুণগোৱিন্দ ফুকনৰ নেতৃত্বত কলিকতাত 'অসমীয়া লিটাৰেৰী ছ'চাইটী' গঠিত হয়। জগন্নাথ বৰুৱা আৰু মাণিক চন্দ্ৰ বৰুৱাই ভাইচৰয় লৰ্ড নৰ্থব্ৰুকক স্মাৰক-পত্ৰ দাখিল কৰে।
১৮৭৩	অসমীয়া ভাষাক স্কুল, অফিচ-কাছাৰীত মাধ্যম হিচাপে পুনৰ প্ৰতিষ্ঠা কৰা হয়।
১৮৮৪	জগন্নাথ বৰুৱাৰ নেতৃত্বত যোৰহাট সাৰ্বজনিক সভা স্থাপিত হয়।
১৮৮৫	'অসমীয়া লিটাৰেৰী ছ'চাইটী'ৰ সক্ৰিয়তা অন্ত পৰে। ভাৰতীয় জাতীয় কংগ্ৰেছৰ প্ৰতিষ্ঠা হয়।
১৮৮৬	চৰকাৰে ভূমি ৰাজহ ব্যৱস্থা (Assam Land and Revenue Regulation Act, 1886) গ্ৰহণ কৰে।
১৮৮৮	অসমীয়া ভাষা উন্নতি সাধিনী (অঃ ভাঃ উঃ সাঃ) সভা গঠিত হয়।
১৮৯২-৯৩	যোৰহাট সাৰ্বজনিক সভাই কৃষক সমাজৰ লগত বৰ্ধিত কৰৰ বিৰোধ কৰে।
১৮৯৩	পদ্মনাথ গোঁহাইবৰুৱাৰ নেতৃত্বত আহোম সভাৰ প্ৰতিষ্ঠা হয় আৰু ইয়াৰ প্ৰথম অধিৱেশন শিৱসাগৰত অনুষ্ঠিত হয়। যোৰহাট সাৰ্বজনিক সভাই ৰাজকীয় কানি আয়োগৰ ওচৰত স্মাৰকপত্ৰ দাখিল কৰে।
১৯০০	ড° জন বেৰী হোৱাইটৰ অনুদানত ডিব্ৰুগড়ত 'বেৰী-হোৱাইট মেডিকেল স্কুল' প্ৰতিষ্ঠা হয়।
১৯০৩	মাণিক চন্দ্ৰ বৰুৱাৰ নেতৃত্বত আছাম এছ'চিয়েছন গঠন হয়।
১৯০৫	১ নৱেম্বৰত ব্যামফিল্ড ফুলাৰে গুৱাহাটীত বংগ ভংগৰ সমৰ্থন কৰে। ডিব্ৰুগড়ত আছাম এছ'চিয়েছনৰ প্ৰথমখন অধিৱেশন অনুষ্ঠিত হয়। ১৬ অক্টোবৰত বংগ বিভাজন কাৰ্যকৰী হয় আৰু 'পূৰ্ব বংগ আৰু অসম' প্ৰদেশ গঠন হয়।
১৯০৬	৩১ জুলাইত কটন কলেজিয়েটত 'বন্দিনী ভাৰত' নাটকৰ পাণ্ডুলিপি বাজেয়াপ্ত কৰা হয়। ৭ ছেপ্টেম্বৰত ব্যামফিল্ড ফুলাৰক হত্যাৰ উদ্দেশ্যে গুৱাহাটী-শ্বিলং পথত বোমা পোতা হয়।
১৯০৭	আছাম এছ'চিয়েছনে অসমক পূব বংগৰ পৰা পৃথক কৰিবলৈ চৰকাৰক স্মাৰক-পত্ৰ দাখিল কৰে।
১৯১০	আহোম সভাক 'সদৌ অসম আহোম এছ'চিয়েছন' নামেৰে নামকৰণ কৰা হয়। বেৰী-হোৱাইট মেডিকেল স্কুললৈ ইংলেণ্ডৰ পৰা এক্স-ৰে মেচিন আমদানি কৰা হয়।
১৯১৩	কৰিমগঞ্জত কৃষি গৱেষণা কেন্দ্ৰ প্ৰতিষ্ঠা কৰা হয়।
১৯১৪	অম্বিকাগিৰী ৰায়চৌধুৰীৰ বৰপেটাৰ অন্তৰীণ বন্দীত্বৰ অন্ত পৰে।
১৯১৬	অসম ছাত্ৰ সন্মিলন গঠন হয় আৰু গুৱাহাটীত প্ৰথম অধিৱেশন অনুষ্ঠিত হয়। আছাম এছ'চিয়েছনে জাতীয় কংগ্ৰেছৰ অধিৱেশনলৈ প্ৰতিনিধি প্ৰেৰণ কৰে।
১৯১৭	আছাম এছ'চিয়েছনে কলিকতালৈ সাতজনীয়া সঁজাতী দল পঠিয়ায়। মাইকেল ছেডলাৰে অসমত বিশ্ববিদ্যালয় স্থাপনৰ অভিমত দিয়ে। শিৱসাগৰত আছাম এছ'চিয়েছনৰ বাৰ্ষিক বৈঠকত বিশ্ববিদ্যালয়ৰ দাবী উঠে।
১৯১৮	মণ্টেগ'-ছেমছফ’ৰ্ড ৰিপ’ৰ্ট প্ৰকাশ পায়।
১৯২০	আছাম এছ'চিয়েছনে বিশ্ববিদ্যালয় স্থাপনৰ দাবী জনায়। নাগপুৰ কংগ্ৰেছ অধিৱেশনত ভাষাভিত্তিক ৰাজ্য পুনৰগঠনৰ প্ৰস্তাৱ গৃহীত হয়। ডিচেম্বৰত তেজপুৰত আছাম এছ'চিয়েছনৰ ১৭ সংখ্যক অধিৱেশনত অসহযোগ আন্দোলনত অংশগ্ৰহণৰ প্ৰস্তাৱ গৃহীত হয়।
১৯২০-২২	ভাৰতত অসহযোগ আন্দোলন চলিছিল।
১৯২০-২১	কানিৰ প্ৰচলন ১৬১৫ মোণ আছিল।
১৯২১	যোৰহাট সাৰ্বজনিক সভাৰ অস্তিত্ব নোহোৱা হয়। আছাম এছ'চিয়েছনৰ স্বতন্ত্ৰ পৰিচয় বিলুপ্ত হৈ অসম প্ৰদেশ কংগ্ৰেছ কমিটীত চামিল হয়। ১৮ এপ্ৰিলত যোৰহাটত আছাম এছ'চিয়েছনৰ বিশেষ অধিৱেশন অনুষ্ঠিত হয়। জুন মাহত 'অসম প্ৰদেশ কংগ্ৰেছ কমিটি' আনুষ্ঠানিকভাবে গঠন হয়। আগষ্ট মাহত মহাত্মা গান্ধীৰ প্ৰথম অসম ভ্ৰমণ হয়। ফেব্ৰুৱাৰীত গুৱাহাটীত 'তিলক সোঁৱৰণী স্কুল' প্ৰতিষ্ঠা কৰা হয়। মে' মাহত চৰাগোলা আৰু লংগাই উপত্যকাৰ চাহ বাগিচাৰ বনুৱাৰ প্ৰতিবাদ সংঘটিত হয়।
১৯২২-২৩	কানিৰ প্ৰচলন হ্ৰাস পাই ৯৯৩ মোণ হয়।
১৯২৩	তিতাবৰত কৃষি গৱেষণা কেন্দ্ৰ প্ৰতিষ্ঠা কৰা হয়।
১৯২৬	গুৱাহাটীৰ পাণ্ডুত জাতীয় কংগ্ৰেছৰ ৪১তম বাৰ্ষিক অধিৱেশন আয়োজন কৰা হয়।
১৯২৮	মহাত্মা গান্ধী পুনৰ সক্ৰিয় ৰাজনীতিলৈ ঘূৰি আহে।
১৯৩০	৮ এপ্ৰিলত যোৰহাটৰ টিলিকি আমত সদৌ অসম ৰায়ত সভাৰ প্ৰথম অধিৱেশন অনুষ্ঠিত হয় (পাৰ্থক্য: পাঠ্যপুথিত কিছু স্থানত ১৯৩৩ আৰু কিছু স্থানত ১৯৩০ উল্লেখ আছে)। ১৯৩০ চনত ১২ মাৰ্চত দাণ্ডি যাত্ৰাৰ আৰম্ভণি হয়। ১৪ এপ্ৰিলত নেহৰুক আৰু ৫ মে'ত গান্ধীক গ্ৰেপ্তাৰৰ প্ৰতিবাদত ছাত্ৰৰ হৰতাল হয়। ৬ আৰু ১৪ মে'ত শিক্ষানুষ্ঠান বৰ্জন কৰা হয়। জেনিংছ কানিংহামে 'কানিংহাম চাৰ্কুলাৰ' প্ৰকাশ কৰে। জুলাই আৰু আগষ্টত ৩১১৭ জন ছাত্ৰই শিক্ষানুষ্ঠান ত্যাগ কৰে।
১৯৩০-৩৪	অসমত ৰায়ত সভা পুনৰ সক্ৰিয় হয়। আইন অমান্য আন্দোলন অনুষ্ঠিত হয়।
১৯৩০-৩৯	বিষ্ণুৰাম মেধি অসম প্ৰদেশ কংগ্ৰেছ কমিটিৰ প্ৰথম নিৰ্বাচিত সভাপতি হিচাপে কাৰ্যভাৰ চলায়।
১৯৩৩	৮ এপ্ৰিলত টিলিকি আমত সদৌ অসম ৰায়ত সভাৰ প্ৰথম অধিৱেশন নবীন চন্দ্ৰ বৰদলৈৰ সভাপতিত্বত অনুষ্ঠিত হয়।
১৯৩৪	দেৰগাঁৱত সদৌ অসম ৰায়ত সভাৰ দ্বিতীয় অধিৱেশন ড° হৰেকৃষ্ণ দাসৰ সভাপতিত্বত অনুষ্ঠিত হয়।
১৯৩৪-৩৯	অসমত প্ৰায় ৩০০ খন ৰায়ত সভা সক্ৰিয় হৈ আছিল।
১৯৩৯	কংগ্ৰেছ মন্ত্ৰীসভা গঠন হোৱাত ৰায়ত সভাৰ কাম-কাজ নোহোৱা হৈ পৰে।
১৯৪০	সূৰ্য্যকুমাৰ ভূঞাক বিশ্ববিদ্যালয়ৰ বাবে তথ্য সংগ্ৰহৰ উদ্দেশ্যিক বিশেষ বিষয়া নিযুক্তি দিয়া হয়।
১৯৪১	আহোম এছ’চিয়েছন বিভক্ত হৈ 'জাতীয়তাবাদী আহোম সন্মিলন' গঠন হয়।
১৯৪২	জাপানে ছিংগাপুৰ আৰু ৰেংগুন দখল কৰে। ৮ আগষ্টত বোম্বাইত 'ভাৰত ত্যাগ আন্দোলন'ৰ ঘোষণা কৰা হয়।
১৯৪৩	বজালীত ৩২টা গোপন স্বেচ্ছাসেৱী কেন্দ্র গঠন কৰা হয়।
১৯৪৪	ঔপনিৱেশিক চৰকাৰে ভাৰত ত্যাগ আন্দোলন সম্পূৰ্ণ দমন কৰে।
১৯৪৫	ব্ৰিটিছ চৰকাৰে আন্দোলনকাৰীসকলক কাৰাগাৰত আটক কৰি ৰাখে।
১৯৪৬	সাধাৰণ নিৰ্বাচনত কংগ্ৰেছে সংখ্যাগৰিষ্ঠতা লাভ কৰে। ১১ ফেব্ৰুৱাৰীত গোপীনাথ বৰদলৈৰ নেতৃত্বত মন্ত্ৰীসভা গঠন হয়।
১৯৪৭	ভাৰতৰ স্বাধীনতা আৰু দেশ বিভাজন হয়। ৩ নৱেম্বৰত 'অসম চিকিৎসা মহাবিদ্যালয়'ৰ আনুষ্ঠানিক নামকৰণ কৰা হয়। 'গুৱাহাটী বিশ্ববিদ্যালয় অধিনিয়ম ১৯৪৭' গৃহীত হয়।
১৯৪৮	নগাঁৱত পশু মহাবিদ্যালয় আৰু যোৰহাটত কৃষি মহাবিদ্যালয় প্ৰতিষ্ঠা কৰা হয়। ২৬ জানুৱাৰীত গুৱাহাটী বিশ্ববিদ্যালয় আনুষ্ঠানিকভাৱে প্ৰতিষ্ঠা হয়।
১৯৫০	আহোম এছ'চিয়েছন ক্ৰমাৎ দুৰ্বল হৈ পৰে।
১৯৫৫-৫৬	গুৱাহাটী বিশ্ববিদ্যালয় বৰ্তমানৰ জালুকবাৰী চৌহদলৈ স্থানান্তৰিত কৰা হয়।
১৯৫৯	৭ নৱেম্বৰত দ্বিতীয়খন চিকিৎসা মহাবিদ্যালয় স্থাপনৰ বাবে বিশেষজ্ঞ কমিটি গঠন কৰা হয়।
১৯৬০	২৬ এপ্ৰিলত বিশেষজ্ঞ কমিটিয়ে প্ৰতিবেদন দাখিল কৰে। ২৬ জুনত এছ এন শৰ্মাক গুৱাহাটীত পাঠদান আৰম্ভণিৰ দায়িত্ব দিয়া হয়। ২০ ছেপ্টেম্বৰত গুৱাহাটী চিকিৎসা মহাবিদ্যালয়ৰ আনুষ্ঠানিক সূচনা হয়।
১৯৬২	চীনে ভাৰত আক্ৰমণ কৰে।
১৯৬৮	শিলচৰ মেডিকেল কলেজ প্ৰতিষ্ঠা কৰা হয়।
১৯৬৯	অসম কৃষি বিশ্ববিদ্যালয় স্থাপিত হয়।